Bir aptada Qazaqstan aýmaǵynda 3608 qylmys jasaldy
NUR-SULTAN. QazAqparat - Bir apta elimizdiń aýmaǵynda 3 608 qylmys jasaldy. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.
«Bir apta ishinde 3 608 qylmys jasalyp, onyń ishinde 2 355 qylmys bir táýliktiń ishinde ashyldy. Qylmystardyń basym bóligin urlyq qurap otyr. Polıtsııa qyzmetkerleri iz sýytpaı 10 kisi óltirý, 3 adam ólimine alyp kelgen qasaqana densaýlyqqa aýyr zııan keltirý, 44 tonaý jáne 508 ózgeniń múlki urlaý qylmysyn ashty», - dedi resmı ókil.
