Bir aptada Qazaqstan aýmaǵynda 3 myńǵa jýyq qylmys jasaldy - ІІM

NUR-SULTAN. QazAqparat – 1 apta ishinde elimizdiń aýmaǵynda 2951 qylmys jasaldy. Bul týraly QR ІІM baspasóz qyzmetiniń ókili Shuǵyla Turlybek aıtty, dep habarlaıdy QazAqparat tilshisi.

«Bir apta ishinde elde 2951 qylmys jasaldy. Onyń 1918-i táýlik ishinde ashyldy», - dedi Sh. Turlybek mınıstrliktiń baspasóz alańynda ótken brıfıng barysynda.

Baspasóz qyzmeti ókiliniń aıtýynsha, polıtsııa qyzmetkerleri «izin sýytpaı» 12 kisi óltirýdi, 4 ólimge ákep soqqan densaýlyqqa qasaqana aýyr zııan keltirýdi, 1 qaraqshylyq, 37 tonaý jáne 465 bóten múlikti urlaý qylmystaryn ashqan.

Sonymen birge, spıker Prezıdent tapsyrmasy aıasynda iske asyp jatqan «polıtsııanyń qazaqstandyq servıstik modeli» pılottyq jobasy týraly aıtyp berdi. Servıstik modeldi damytýdyń negizgi baǵyttary – qylmystar men quqyqbuzýshylyqtardyń aldyn alý, jurtqa jaqyn polıtsııa, sondaı-aq tsıfrlyq tehnologııalardy qoldaný.