Bir aptada elordada koronavırýs juqtyrý qaı deńgeıde óskeni belgili boldy
«2020 jylǵy 4 qarashadaǵy jaǵdaı boıynsha barlyǵy 14 709 koronavırýs ınfektsııasyn juqtyrý oqıǵasy tirkelgen, onyń ishinde 9 030-y sımptommen jáne 5 679-y sımptomsyz. Qalada syrqattanýshylyq kórsetkishi ortasha respýblıkalyq kórsetkishten 2,1 ese joǵary jáne 100 myń turǵynǵa 1 273 jaǵdaıdy qurady. 14 709 jaǵdaıdyń 200-i syrttan ákelingen, 10 523-i jergilikti, 3 986-baılanysta bolǵan adamdar. Barlyǵy 18 774 baılanysta bolǵan adam anyqtaldy, búgingi kúni 17 766 adam karantınnen shyǵaryldy», - dedi J. Pirálıeva onlaın rejımde ótken koronavırýs ınfektsııasynyń aldyn alý sharalary boıynsha baspasóz máslıhatynda.
Onyń sózine qaraǵanda, jas jaǵynan alǵanda COVID-19 juqtyrǵan adamdardyń eń kóp sany 40 jastan joǵary. Olardyń jalpy indetke shaldyǵý kórsetkishiniń 42 paıyzyn qamtyp tur. Osy oraıda 18 jasqa deıin-8 paıyz, 18-den 29-ǵa deıin – 22 paıyz, 30-dan 39-ǵa deıin – 28 paıyz.
«COVID-19 aýrýyna shaldyǵýdyń qaıta ósýi 1 qazannan bastap aptasyna 46-dan 199 jaǵdaıǵa deıin baıqalýda. Táýligine 20-dan 34-ke deıin aýrý belgisi bar jaǵdaı tirkeledi. Eresekter arasynda da, mektepke deıingi jáne mektep jasyndaǵy balalar arasynda da tirkelip jatyr. Sońǵy aptadaǵy aýrýǵa shaldyǵý ótken aptadan 1,3 ese nemese 27 paıyzǵa joǵary», - dedi J. Pirálıeva.