Bir aptada elimizde qandaı qylmystar jıi tirkeldi – QR ІІM

NUR-SULTAN. QazAqparat – Іshki ister mınıstrliginiń brıfınginde sońǵy aptada elimizde jıi tirkelgen qylmystar ataldy, dep habarlaıdy QazAqparat tilshisi.

«Bir apta ishinde 3055 qylmys jasaldy, onyń 1978-i táýlik ishinde ashyldy. Polıtsııa qyzmetkerleri «izin sýytpaı» kisi óltirýdiń - 8, ólimge ákep soqqan densaýlyqqa qasaqana aýyr zııan keltirýdiń -3, qaraqshylyqtyń - 3, tonaýdyń - 20 jáne bóten múlikti urlaýdyń - 488 faktisin ashty», - dedi QR Іshki ister mınıstrliginiń resmı ókili Nurdildá Oraz.

Sonymen birge ótken aptada Іshki ister mınıstri Erlan Turǵymbaev Prezıdent qabyldaýynda ishki ister organdarynyń birinshi toqsandaǵy jumysyn qorytyndylady. Eldegi qylmys deńgeıi 13% tómendegen. Bul rette tonaý, urlyq jáne buzaqylyq sany 37% azaıǵan.