Bir aptada elimizde 3 myńnan astam qylmys tirkeldi

NUR-SULTAN. QazAqparat – Ótken aptada elimizde 3 397 qylmys tirkeldi. Bul týraly QR Іshki ister mınıstrliginiń ókili Shuǵyla Turlybek vedomstvonyń onlaın brıfıngisinde aıtty, dep habarlaıdy QazAqparat tilshisi.

«Eldegi krımınogendik jaǵdaıǵa toqtalasaq, bir apta ishinde 3 397 qylmys jasaldy. Onyń 1 986-y táýlik ishinde ashyldy», - dedi Sh. Turlybek onlaın brıfıngi kezinde.

Onyń aıtýynsha, polıtsııa qyzmetkerleri izin sýytpaı jeti kisi óltirý qylmysyn, 1 ólimge ákep soqqan densaýlyqqa qasaqana aýyr zııan keltirý qylmysyn, bir qaraqshylyq, sondaı-aq 34 tonaý jáne 539 bóten múlikti urlaý qylmysyn ashty.