Bir aptada elimizde 3 myńnan asa qylmys jasaldy - ІІM
NUR-SULTAN. QazAqparat –Bir apta ishinde elimizdiń aýmaǵynda 3 190 qylmys jasaldy. Bul týraly QR Іshki ister mınıstriniń resmı ókili Nurdildá Oraz málim etti, dep habarlaıdy QazAqparat tilshisi.
Resmı ókildiń dereginshe, ótken apta ishinde respýblıka aýmaǵynda 3 190 qylmys jasalǵan. Onyń 2 166-syn quqyq qorǵaý organdarynyń qyzmetkeri bir táýliktiń ishinde áshkerelegen.
«Polıtsııa qyzmetkerleri «izin sýytpaı» 7 kisi óltirýdi, 7 ólimge ákep soqqan densaýlyqqa qasaqana aýyr zııan keltirý, 34 tonaý jáne 457 bóten múlikti urlaý qylmystaryn ashty», - dedi Nurdildá Oraz mınıstrliktiń baspasóz qyzmeti alańynda ótken brıfıng barysynda.
