Bir aptada elimizde 3 myńǵa jýyq qylmys tirkeldi

NUR-SULTAN. QazAqparat – Bir aptada Qazaqstanda 3 myńǵa jýyq qylmys tirkeldi. Bul týraly QR Іshki ister mınıstrliginiń ókili Shuǵyla Turlybek málim etti, dep habarlaıdy QazAqparat tilshisi.

«Bir apta ishinde 2948 qylmys jasaldy, onyń 1864-i táýlik ishinde ashyldy», - dedi Shuǵyla Turlybek mınıstrliktiń baspasóz alańynda ótken brıfıng barysynda.

Onyń aıtýynsha, polıtsııa qyzmetkerleri «izin sýytpaı» 4 kisi óltirýge qatysty qylmystyń betin ashty. Sonymen qatar, 7 ólimge ákep soqqan densaýlyqqa qasaqana aýyr zııan keltirý, 1 qaraqshylyq, 37 tonaý jáne 465 bótenniń múlkin urlaý oqıǵasy anyqtalyp, osy qylmystardyń mán-jaıy belgili boldy.