Bir aptada elimizde 2,8 myń qylmys jasaldy
NUR-SULTAN. QazAqparat – Ótken aptada elimizdiń aýmaǵynda 2 862 qylmys jasaldy. Bul týraly onlaın rejımdegi brıfıngide QR Іshki ister mınıstrligi baspasóz qyzmeti málim etti, dep habarlaıdy QazAqparat tilshisi.
«Bir apta ishinde 2 862 qylmys jasaldy, onyń 1 982-si táýlik ishinde ashyldy», - dedi baspasóz qyzmetiniń ókili Shuǵyla Turlybek.
Onyń aıtýynsha, polıtsııa qyzmetkerleri «izin sýytpaı» 11 kisi óltirýdi, 4 ólimge ákep soqqan densaýlyqqa qasaqana aýyr zııan keltirýdi, 2 qaraqshylyq, 47 tonaý jáne 433 bóten múlikti urlaý qylmystaryn ashty.
Brıfıng barysynda adam saýdasy faktilerin tergeý, ınternet-alaıaqtyqty tergeý baǵytyndaǵy jumystar jaıynda málimet berildi.
