Bir aptada balalar arasynda koronavırýspen aýyrý deńgeıi 1,3 ese ósken

NUR-SULTAN. QazAqparat – QR Densaýlyq saqtaý mınıstri Ajar Ǵınııat 12 jastan asqan balalardyń ata-analaryn vaktsınatsııa boıynsha durys sheshim qabyldaýǵa shaqyrdy, dep habarlaıdy QazAqparat tilshisi.

«Sońǵy aptada oqýshylardyń arasynda koronavırýs ınfektsııasymen aýyrý 1,3 ese ósti. Koronavırýs ınfektsııasymen aýyrǵandardyń jalpy sanynda oqýshylardyń 10 paıyzdan joǵary úlesi Túrkistan, Aqmola, Batys Qazaqstan, Soltústik Qazaqstan, Qostanaı oblystarynda, Shymkent jáne Nur-Sultan oblystarynda baıqalady», - dedi vedomstvo basshysy Úkimet otyrysnyda.

Sondaı-aq, ol oqýshylardyń bári offlaın oqytýǵa kóshkenimen, sanıtarlyq talaptardy qatań saqtaý kerektigin eskertti.

«Offlaın oqytýǵa kóshýdi jas adamdardyń «omıkron» túrin tez juqtyrýyn eskere otyryp, aýmaqtardyń ákimderine bilim berý uıymdarynda sanıtarly-dezınfektsııalyq maska rejımin, synyptardyń tolyqtyrylýyn jáne koronavırýs profılaktıkasynyń ózge de belgilengen sharalaryn oryndaý jónindegi talaptardy qamtamasyz etýdi suraımyn. Sondaı-aq, 12 jastan asqan balalardyń ata-analaryn balalardy vaktsınalaý boıynsha sheshim qabyldaýǵa shaqyramyn», - dedi mınıstr.