Bir aptada 3 myńnan astam qylmys tirkeldi – ІІM

ASTANA. QazAqparat – Ótken aptada Qazaqstanda 3 myńnan astam qylmys tirkelgen. Bul týraly QR Іshki ister mınıstrliginiń ókili Shuǵyla Turlybek aıtty, dep habarlaıdy QazAqparat tilshisi.

«Bir apta ishinde 3022 qylmys jasaldy, onyń 1808-si táýlik ishinde ashyldy. Polıtsııa qyzmetkerleri «izin sýytpaı» 6 kisi óltirýdi, 3 ólimge ákep soqqan densaýlyqqa qasaqana aýyr zııan keltirýdi, 1 qaraqshylyq, 29 tonaý jáne 421 bóten múlikti urlaý qylmystaryn ashty», - dedi Іshki ister mınıstrliginiń ókili aptalyq onlaın brıfıngide.

Sonymen birge, birqatar polıtsııa departamentinde kadrlyq aýys-túıis bolǵan.

Aqmola oblysy polıtsııa departamenti bastyǵynyń orynbasary laýazymyna Farhat Omarov taǵaıyndaldy.

Ol ІІM tergeý departamentiniń analıtıkalyq jumys jáne aldyn ala tergeý basqarmasynyń bastyǵy bolyp jumys istegen.

Al Dáýren Ibraev Qaraǵandy oblysy polıtsııa departamenti bastyǵynyń orynbasary qyzmetine taǵaıyndaldy.

Buǵan deıin ol Qyzylorda polıtsııasy bastyǵynyń orynbasary qyzmetin atqarǵan.

Qaırat Ábdiǵalıev Abaı oblysy polıtsııa departamenti Semeı qalasy polıtsııa basqarmasynyń bastyǵy laýazymyna usynyldy.

Ol buǵan deıin ShQO polıtsııa departamenti krımınaldyq polıtsııa basqarmasynyń bastyǵy bolyp jumys istegen.