Bir aptada 2 myńnan astam qylmys tirkeldi – ІІM

ASTANA. QazAqparat – QR Іshki ister mınıstrliginiń ókili Shuǵyla Turlybek eldegi bir aptadaǵy krımınogendik jaǵdaıdy baıandady, dep habarlaıdy QazAqparat tilshisi.

«Bir apta ishinde 2299 qylmys jasaldy, onyń 1490-y táýlik ishinde ashyldy. Polıtsııa qyzmetkerleri «izin sýytpaı» 11 kisi óltirýdi, 5 ólimge ákep soqqan densaýlyqqa qasaqana aýyr zııan keltirýdi, 1 qaraqshylyq, 34 tonaý jáne 303 bóten múlikti urlaý qylmysyn ashty», - dedi Іshki ister mınıstrliginiń ókili aptalyq onlaın brıfıngide.

Sonymen birge, QR Іshki ister mınıstri Marat Ahmetjanov Memleket basshysyna 2022 jylǵy atqarylǵan jumys jóninde esep bergen.

Kezdesý qorytyndysy boıynsha Prezıdent aýyldyq jerlerde turmystyq zorlyq-zombylyqtyń, ınternet-alaıaqtyqtyń jáne qylmystardyń aldyn alý jáne jedel den qoıý sharalarynyń basymdylyǵyn atap ótti.

Q. Toqaev osy baǵyttaǵy uıymdastyrýshylyq jáne zańnamalyq qadamdardy qabyldaýdy tapsyrdy jáne eldegi jol qaýipsizdigi men quqyqtyq tártipti qamtamasyz etý boıynsha birqatar mindetterdi belgiledi.