Bir aptada 2 800 qylmys tirkelgen, onyń jartysynan kóbi táýlik ishinde ashyldy

ASTANA. QazAqparat – Ótken aptada elimizdiń aýmaǵynda 2 800 qylmys tirkelgen, dep habarlaıdy QazAqparat tilshisi.

Іshki ister mınıstrliginde ótken brıfıngi barysynda vedomstvonyń ókili Shuǵyla Turlybek ótken apta ishinde jasalǵan qylmystar týraly baıandady.

«Bir apta ishinde 2 800 qylmys jasaldy. Onyń 1 678-i táýlik ishinde ashyldy. Polıtsııa qyzmetkerleri izin sýytpaı 8 kisi óltirýdi, 4 ólimge ákep soqqan densaýlyqqa qasaqana aýyr zııan keltirýdi, 1 qaraqshylyq, 40 tonaý jáne 399 bóten múlikti urlaý qylmystaryn ashty», - dep toqtaldy mınıstrliktiń ókili Shuǵyla Turlybek.

Eske sala keteıik, aldyńǵy aptadaǵy krımınogendik ahýal boıynsha el aýmaǵynda 2 705 qylmys tirkelgen bolatyn. Onyń ishinde 1 620 qylmys táýlik ishinde izin sýytpaı ashyldy.