Bir apta ishinde Qazaqstanda 3 myńǵa jýyq qylmys jasaldy - ІІM
QR Іshki ister mınıstrliginiń baspasóz alańynda ótken brıfıng barysynda vedomstvo ókili Shuǵyla Turlybek bir apta ishinde respýblıka aýmaǵynda 2 941 qylmys jasalǵanyn atap ótti.
«Onyń 1 851-i táýlik ishinde ashyldy. Polıtsııa qyzmetkerleri izin sýytpaı 9 kisi óltirýdi, 1 ólimge ákep soqqan densaýlyqqa qasaqana aýyr zııan keltirýdi, 54 tonaý jáne 457 bóten múlikti urlaý qylmystaryn ashty», - dedi mınıstrlik baspasóz qyzmetiniń ókili.
Sonymen qatar Shuǵyla Turlybek jyl saıyn kólik apatynan eki myńnan astam adam qaza taýyp, 18 myńǵa jýyq azamat jaraqat alatyndyǵyn atap ótti. «Sergek» kamerasynyń bul qaýipterdi azaıtý baǵytynda qoldanylý jaıyna toqtaldy.
«Taraptar jol qaýipsizdigi men jol júrisi qaǵıdalaryn buzýshylyqtardy anyqtaý jáne túrli qylmystardy ashýda beınetirkeý kameralarynyń tıimdiligin talqylady. «Sergek» júıesiniń kelesideı erekshelikteri bar: jyldamdyqty optıkalyq anyqtaý, mashınalardy izdeý, táýliktik beınebaqylaý, beınejazbalardy saqtaý jáne taldaý, quqyq buzýshylyqtardy anyqtaý, basqa kameralarmen jáne memlekettik júıelermen baılanys. Júrgizilip jatqan jumystardyń arqasynda jáne «Sergek» kameralarynyń kómegimen jol-kólik apatynan bolatyn ólim-jitim men qoǵamdyq oryndardaǵy qylmys deńgeıi aıtarlyqtaı azaıdy», - dedi ol.
