Bir apta ishinde Qazaqstan aýmaǵynda 3 myń qylmys jasaldy - ІІM

NUR-SULTAN. QazAqparat – 1 apta ishinde elimizdiń aýmaǵynda 3 myń qylmys jasaldy. Bul týraly QR ІІM baspasóz qyzmetiniń ókili Shuǵyla Turlybek aıtty, dep habarlaıdy QazAqparat tilshisi.

«Bir apta ishinde elde 3004 qylmys jasaldy. Onyń 2055-i táýlik ishinde ashyldy», - dedi ol QR ІІM baspasóz alańynda ótken brıfıng barysynda.

Shuǵyla Turlybektiń dereginshe, polıtsııa qyzmetkerleri «izin sýytpaı» 8 kisi óltirýdi, 11 ólimge ákep soqqan densaýlyqqa qasaqana aýyr zııan keltirýdi, bir qaraqshylyq, 44 tonaý jáne 489 bóten múlikti urlaý qylmystaryn ashty.

Sonymen qatar ol «Qazaqstan Respýblıkasy Іshki istermınıstrliginiń úzdik tergeýshisi, anyqtaýshysy jáne krımınalısi» baıqaýynyń jeńimpazdaryn marapattaý is-sharasy ótkizilgendigin atap ótti.

«Baıqaý nátıjesinde óz sanaty boınsha myna qyzmetkerler úzdik shyqty: Aqmola oblystyq PD aǵa tergeýshisi Arman Qojahmetov, Qyzylorda oblystyq PD Jańaqorǵan bóliminiń aǵa anyqtaýshysy Baqytjan Ábjalov jáne Jambyl oblystyq PD-niń krımınalısi Erjan Ótebaev», - dedi Shuǵyla Turlybek.