Bir apta ishinde elimizde 3 506 qylmys jasaldy - ІІM

NUR-SULTAN. QazAqparat – Bir apta ishinde elimizde 3 506 qylmys jasaldy. Bul týraly onlaın rejımdegi brıfıngide QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.

«Aldymen eldegi krımınogendik jaǵdaıǵa toqtalsaq, bir apta ishinde 3 506 qylmys jasaldy, onyń 2 322-i táýlik ishinde ashyldy», - dedi QR Іshki ister mınıstrliginiń resmı ókili Nurdildá Oraz.

Onyń aıtýynsha, polıtsııa qyzmetkerleri «izin sýytpaı» 10 kisi óltirýdi, 1 ólimge ákep soqqan densaýlyqqa qasaqana aýyr zııan keltirýdi, 5 qaraqshylyq, 32 tonaý jáne 487 bóten múlikti urlaý qylmysyn ashty.

«Іshki ister mınıstriniń atyna azamattardan polıtseılerge alǵys aıtqan hattar jıi túsedi. Máselen, ótken aptada elordalyq polıtsııa departamentiniń qyzmetkerleri Álıhan Momyshev pen Almas Shyǵanbaevqa alaıaqtyqty jedel ári kásibı túrde ashyp, zalaldy qalpyna keltirgeni úshin elorda turǵyny rızashylyǵyn bildirdi», - dedi Nurdildá Oraz.