Bir apta ishinde elimizde 3,3 myń qylmys tirkeldi
NUR-SULTAN. QazAqparat – Bir apta ishinde elimizde 3 371 qylmys jasaldy. Bul týraly búgin QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.
«Bir apta ishinde 3 371 qylmys jasaldy. Onyń 2 145-i táýlik ishinde ashyldy», - dedi Nurdildá Oraz.
Resmı ókildiń atap ótýinshe, polıtsııa qyzmetkerleri «izin sýytpaı» 10 kisi óltirý qylmysyn ashqan.
«Sondaı-aq, 10 ólimge ákep soqqan densaýlyqqa qasaqana aýyr zııan keltirýdi, 5 qaraqshylyq, 39 tonaý jáne 489 bóten múlikti urlaý qylmystaryn ashty», - dedi ol.
Nurdildá Oraz Halyqaralyq áıelder kúni qarsańynda Іshki ister mınıstri Erlan Turǵymbaev erekshe kózge túsken áıel qyzmetkerlerdi arnaıy quttyqtaǵanyn da atap ótti.
«Aıta ketý kerek, qyz-kelinshekter Іshki ister organdarynyń barlyq bólimshelerinde, sonyń ishinde qylmystyq polıtsııa, tergeý, qoǵamdyq qaýipsizdik sııaqty jetekshi bólimderde qyzmet atqarady. Búgingi tańda polıtsııa qatarynda 11 myńǵa jýyq áıel qyzmet etedi, olardyń 580-i basshylar», - dedi resmı ókil.
