Bir apta ishinde elimizde 3 295 qylmys jasaldy
NUR-SULTAN. QazAqparat – Bir apta ishinde elimizde 3 295 qylmys jasaldy. Bul týraly QR ІІM baspasóz qyzmetiniń ókili Shuǵyla Turlybek aıtty, dep habarlaıdy QazAqparat tilshisi.
ІІM ókiliniń dereginshe, apta ishinde oryn alǵan 3 295 qylmystyń 2 144-i táýlik ishinde ashylǵan.
«Polıtsııa qyzmetkerleri «izin sýytpaı» 15 kisi óltirýdi, 6 ólimge ákep soqqan densaýlyqqa qasaqana aýyr zııan keltirýdi, 1 qaraqshylyq, 29 tonaý jáne 480 bóten múlikti urlaý qylmystaryn ashty», - dedi ol QR Іshki ister mınıstrliginde ótken brıfıng barysynda.
Sonymen qatar ol ótken aptada ІІM basshysy Erlan Turǵymbaev Senatta Qyrǵyzstanmen kóshi-qon salasyndaǵy yntymaqtastyq týraly zań jobasyn usynǵanyn aıtty. Mınıstrlik dereginshe, ótken jyly Qazaqstanǵa Qyrǵyzstannyń 281 myńnan astam azamaty kelgen. Kórshi elge 175 myń qazaqstandyq barǵan.
