Bir apta ishinde Apple 43 mlrd. dollar shyǵynǵa ushyrady
ASTANA. QazAqparat - 22 qyrkúıekte satylymǵa shyqqan Apple Watch Series 3 saǵatynyń jelige qosylý fýnktsııasynan aqaý shyqqany týraly aqparat taraǵan soń Apple 43 mlrd. dollar shyǵynǵa ushyrady. Bul týraly Financial Times basylymy NASDAQ bırjasyna siltememen habarlaıdy.
Jaqynda ǵana Apple kompanııasy jaryqqa jańa Iphone 8 ben Iphone H smartfonyn shyǵaryp, álemdi aýzyna qaratqan bolatyn. Ókinishke oraı sońǵy bir apta ishinde Apple 43 mlrd. dollar shyǵynǵa ushyrady.
Bul sońǵy 17 aı ishinde bolmaǵan quldyraý bolyp tirkeldi.
Taǵy bir sebep Iphone 8 ben Iphone 8 Plus smartfondarynyń keıbir álsiz tustary men tutynýshylardyń azaıyp ketýi. Oǵan smartfonnyń jańa nusqasynyń «Iphone 7-den» kóp aıyrmashylyǵynyń bolmaýy áser etken. Adamdar az ǵana aıyrmashylyǵy bar nusqa úshin qyrýar aqsha shyǵyndaǵysy kelmegen kórinedi. Osy faktorlardyń áserinen aldymyzdaǵy juma kúni ǵana Apple naryǵy 1.6%-ǵa quldyrady.
Esterińizge sala keteıik, Apple kompanııasy 12 qyrkúıek kúni jańa Iphone smartfondaryn tanystyrǵan bolatyn.
