Bir apta buryn nárestesimen birge joǵalǵan 16 jastaǵy qyz tabyldy
NUR-SULTAN. QazAqparat – Qaraǵandy oblysynda bir apta buryn jańa týǵan nárestesimen birge joǵalyp ketken jas ana tabyldy, dep habarlaıdy QazAqparat.
Polisia.kz saıtynda málim etilgendeı, 3 qyrkúıek kúni Qaraǵandy qalasynyń Ońtústik-shyǵys polıtsııa bólimine 44 jastaǵy áıel habarlasyp, Ana úıi daǵdarys ortalyǵynan shyǵyp, qaıta oralmaǵan óziniń 16 jastaǵy qyzyn izdestirýde kómek suraǵan. Jas ananyń qolynda sábıi bolǵan.
Olardy izdep tabý úshin oblystyq Polıtsııa departamentiniń bastyǵy mobıldi toptar quryp, volonterler jumyldyryldy. Nátıjesinde bala men ana oblystaǵy aýyldardyń birinen tabyldy.
Qazirgi ýaqytta ekeýi de qyzdyń ata-anasynyń qamqorlyǵyna berildi.
