Bir adamnyń týǵan kúnin emes, astana kúnin toılaımyz – Eraly Toǵjanov

NUR-SULTAN. QazAqparat – QR Premer-Mınıstriniń orynbasary Eraly Toǵjanov elorda kúni men qalanyń burynǵy ataýyn qaıtarý máseleleri jóninde pikir bildirdi, dep habarlaıdy QazAqparat tilshisi.

Úkimet kýlýarynda Premer-Mınıstr orynbasaryna «Astana kúni merekelerin bólý máselesi kóterildi me?» degen suraq qoıyldy.

«Esh másele kóterilip otyrǵan joq. Jyl saıyn Nur-Sultan qalasynyń týǵan kúnin qalaı toıladyq, solaı ótedi. Ózderińiz bilesizder, bizde kóptegen sharalar josparlanǵan. Olar is júzinde 1 shildeden bastap josparly túrde ótip keledi. Mysaly Dombyra kúni, Qazaq barysy elorda kúnine arnalǵan edi. 1-8 shilde aralyǵyndaǵy sharalardyń bári Astana kúni aıasynda ótedi», - dedi E. Toǵjanov tilshilerge bergen suhbatynda.

Sonymen birge E. Toǵjanovqa Tuńǵysh Prezıdenttiń týǵan kúni týraly da suraq qoıyldy.

«Biz bir adamnyń týǵan kúnin emes, Astana kúnin toılaımyz», - dep jaýap berdi Eraly Toǵjanov.

Odan bólek, «Elordanyń eski ataýyn qaıtarý úshin ne isteý kerek?» degen suraqqa spıker «Ázirge buǵan esh negiz kórip turǵan joqpyn» dep jaýap berdi.

Aıta keteıik, bıyl Nur-Sultanda astana kúnine otshashý bolmaıdy.