Bir adamnyń shaǵymy uqsas máselesi bar ózge azamattardyń da múddesin qorǵaıdy - Elvıra Azımova
«Konstıtýtsııalyq Sottyń jumysynan zań ústemdigi men adam quqyqtaryn qorǵaý reformasynyń qalaı júzege asyp jatqanyn kórýge bolady. Atalǵan ınstıtýttyń qurylýy azamattardyń quqyǵyn qorǵaýǵa qosymsha múmkindik beredi. Eger buryn Konstıtýtsııalyq Sotqa tek bılik sýbektileri júgingen bolsa, qazir oǵan adam quqyqtary jónindegi ýákil jáne Bas prokýror shaǵym túsire alady. Bul negizinen quqyq qorǵaý baǵyndaǵy qosymsha mehanızm», - dedi Elvıra Azımova.
Onyń aıtýynsha, bes aıdyń ishinde QR Konstıtýtsııalyq Soty túrli máseleler boıynsha naqty 19 sheshim shyǵarǵan.
«Konstıtýtsııalyq Sotqa shaǵymmen bir azamat júginedi, tıisinshe onyń talabynan keıin kóptegen uqsas máselesi bar ózge de kóptegen adamnyń múddeleri qorǵalady. Biz jumys istegen 5 aıdyń ishinde keıbir memlekettik organdardyń birsaryndy jaýap berip jatqanyn baıqadyq. Osy aralyqta Konstıtýtsııalyq Sot túrli máseleler boıynsha naqty 19 sheshim shyǵardy. Osydan keıin memlekettik organdar óz betinshe sheshim qabyldap, jańa usynystardy pysyqtaýǵa bet aldy dep aıta alamyz», - dep túıindedi QR Konstıtýtsııalyq Sotynyń tóraǵasy.
Qosa ketsek, atalǵan forým aıasynda sóz sóılegen BUU Qaýipsizdik keńesiniń Terrorızmge qarsy komıtetiniń atqarýshy dırektory Natalıa German Qazaqstannyń «Jýsan» gýmanıtarlyq arnaıy operatsııasy ózge memleketterge úlgi ekenin atap ótti.
Eske salaıyq, buǵan deıin elordada Azııadaǵy qaýipsizdik jáne yntymaqtastyq forýmy ótip jatqanyn habarlap edik. Oǵan Azııa elderinen kelgen 60-tan astam sarapshy qatysyp jatyr.
