Bir adamdy tórteýdiń jabylyp urǵan sáti vıdeoǵa túsip qaldy
QOSTANAI. QazAqparat - Qostanaıdaǵy KSK shaǵyn aýdanynda qaskúnemder er adamdy jabylyp uryp, bizben jaralaǵan, dep habarlaıdy QazAqparat.
Oqıǵa jábirlenýshiniń garajynda bolǵan. Kýágerlerdiń aıtýynsha, 4 adam garajǵa kirgen kólik júrgizýshisin soqqyǵa jyǵyp, bizben jaralaǵan. Alaıda, ol buzaqylardan qashyp úlgerdi. Muny YouTube jelisinde jarııalanǵan beınejazbadan kórýge bolady.
Jábirlenýshi kúzet beketine kelip, kómek suraǵan. Keıinnen onyń jeke múlikteriniń urlanǵany belgili boldy.
Al oblystyq ІІD baspasóz hatshysy Irına Bejenardiń aıtýynsha, oqıǵanyń mán-jaıy tekserilip jatyr.
