Bıootyn óndirisine qatysty zań jobasy úshinshi oqylymda talqyǵa túsedi
ASTANA. Naýryzdyń 30-y. QazAqparat - Erteń, naýryzdyń 31-i kúni ótetin Májilistiń jalpy otyrysynda «Bıootyn óndirisin jáne aınalymyn memlekettik retteý týraly» zań jobasy úshinshi oqylymda talqyǵa túsedi.
Bul jóninde Májilistiń Agrarlyq máseleler komıteti óz qorytyndysyn berdi, dep habarlaıdy QazAqparat.
Aıta ketý kerek, bıootyn óndirisin retteýge baǵyttalǵan osy zań jobasy Palatanyń uzaq saraptaýynan ótti. 2009 jylǵy mamyrdyń 27-sinde birinshi oqylymda qaralsa, ústimizdegi jylǵy aqpannyń 3-inde ekinshi oqylymda talqylanyp, maquldanǵan bolatyn. Osy joly depýtattardyń jańa usynystary boıynsha úshinshi oqylymǵa ázirlenip otyr.
Zań jobasynyń maqsaty - bıootyn óndirisin jáne aınalymyn damytý, bıootyn óndirisi kezinde memlekettiń azyq-túlik qaýipsizdigin qamtamasyz etý máselelerin retteý, sondaı-aq qorshaǵan ortany qorǵaý.
Zań jobasy boıynsha qorytyndy salystyrma kestege 87 túzetý engizilgen. Agrarlyq máseleler komıteti sonyń ishinde 14 túzetý qabyldanbaǵanyn málimdep otyr.
Zań jobasy erteń, naýryzdyń 31-i kúni bolatyn Palatanyń jalpy otyrysynyń kún tártibine usynylady.
