Bıootyn óndirisi boıynsha Parlament palatalary arasyndaǵy kelispeýshilik eńserildi
ASTANA. Qazannyń 14-i. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Bıootyn óndirisin jáne aınalymyn memlekettik retteý týraly» zań jobasy boıynsha Májilis pen Senat arasyndaǵy kelispeýshilikterdi eńserý jónindegi kelisim komıssııasynyń usynystaryn talqylap, qujatty qabyldady.
Esterińizge sala keteıik, qujat bıootyn óndirisi kezinde memlekettiń azyq-túlik qaýipsizdigin qamtamasyz etýge, atmosferaǵa lastaýshy zattardyń shyǵarylý deńgeıin azaıtý jolymen qorshaǵan ortany qorǵaýǵa baǵyttalǵan. Sonymen qatar zań bıootyn óndirisin damytý salasynda ǵylymı zertteýler júrgizýdi qoldaýǵa jáne bıootyn óndirisi salasyna jańa tehnologııalar engizýdi kózdeıdi. Buǵan qosa qujat boıynsha Úkimetke bıootyn óndirisi boıynsha óndiristik qýattardyń shekti kólemin aıqyndaýǵa múmkindik beretin normalar engiziledi. Qujat qabyldanǵan jaǵdaıda ol áleýmettik jáne ekonomıkalyq salaǵa keri áserin tıgizbeıdi jáne bıootyn óndirisi kezinde týyndaıtyn qoǵamdyq qatynastardy rettep, otyn resýrstarynyń ekologııalyq taza kózderin utymdy paıdalaný úshin qajetti quqyqtyq, ekonomıkalyq, uıymdastyrýshylyq jaǵdaılar jasaıdy.
Parlament qabyldaǵan zań Elbasynyń qol qoıýyna jiberiledi.
