Bıootyn aýyl sharýashylyǵy óndirisiniń tıimdiligin arttyra túsedi - A. Evnıev
áýirdiń 23-i. QazAqparat /Qanat Mámetqazyuly/ - Bıootyn óndirisin paıdalaný aýyl sharýashylyǵy óndirisiniń tıimdiligin arttyra túsedi.
Búgin QR Parlamenti Senaty Agrarlyq máseleler jáne qorshaǵan ortany qorǵaý komıtetinde «Bıootyn óndirisi jáne aınalymyn memlekettik retteý týraly» zań jobasyn talqylaý barysyndy Aýyl sharýashylyǵy vıtse-mınıstri Arman Evnıev osylaı málim etti, dep habarlaıdy QazAqparat.
«Elimizde bıootyn óndirisi aýyl sharýashylyǵy óndirisiniń jańa tehnologııalyq deńgeıge shyǵarýǵa múmkindik beretin, onyń tıimdiligin tórt ese arttyrýdy jáne qosylǵan quny joǵary ónimder eksportyn kóbeıtýdi qamtamasyz etetin jańa baǵyt bolyp tabylady. Sondyqtan, táýekelderdi barynsha azaıtý maqsatyndaǵy kózqarasty qamtamasyz etý maqsatynda salanyń damýyn memlekettik retteý sharalaryn zańnamalyq qamtamasyz etýdiń mańyzy zor. Osy mindetterdi sheshý, sondaı-aq bıootynnyń óndirisi jáne aınalymy kezinde paıda bolatyn quqyqtyq, ekonomıkalyq sharttardy anyqtaý úshin osy qujat ázirlenip otyr», dedi A. Evnıev.
Vıtse-mınısıtrdiń aıtýynsha, zań jobasyndaǵy memlekettik retteý barysynda lastaǵysh zattardyń aýaǵa taralý deńgeıin azaıtý, qosymsha quny joǵary taýarlardy óndirý men eksporttaý kólemin arttyrý sharalaryna basa nazar aýdarylady. Budan bólek, ǵylymı zertteýler júrgizýdi qoldaý máseleleri, bıootyn óndirisi men aınalymyna ozyq tehnologııalardy engizý qarastyrylady.
