Biometric jobasy Shveıtsarııada ótetin startap sammıtinde Qazaqstan namysyn qorǵaıdy
Ortalyq, Shyǵys Eýropa men Ortalyq Azııadan barlyǵy 8 jeńimpaz tańdaldy. Olar: Biometric, Qazaqstan – adamnyń betin taný tehnologııasyna negizdelgen qolma-qol jyldam nesıe beretin bankomattar
- Lingwing, Grýzııa – ınteraktıvti platforma, ol arzan sheshimniń kómegimen adamdardyń qarym-qatynas jasaý daǵdylaryn 4-5 ese jyldam ıgerýge múmkindik beredi;
- iHotel LLC, Mońǵolııa - kompanııa dástúrli qonaqúılerdi HIP sheshimderi arqyly jelige qosylatyn zamanaýı tsıfrlyq obektilerge aınaldyrady;
- StudyFree, Reseı – álemniń JOO-na túsýge arnalǵan onlaın-platforma;
- Jeff, Latvııa – telefon metaderekterin, baılanys aqparatyn, geolokatsııany, júris-turys úlgilerin jáne úshinshi tulǵalardyń derekterin kredıtorlarmen salystyra otyryp, taldaıdy;
- Velvioo, Armenııa – qalalardaǵy mobıldilik jónindegi sheshimderdi basqarady, sondaı-aq qalalar men kásipkerlerge mobıldilik jónindegi óz usynystaryn iske qosýǵa múmkindik beredi;
- Skyworker, Ýkraına – bul tehnologııalyq kompanııalarǵa ınternette menshikti tehnologııalyq qaýymdastyqtar qura otyryp, qyzmetkerlerdi 3 ese jyldam jáne 2 ese arzan jaldaýǵa múmkindik beretin platforma.
«Endi qatysýshy komandalar álemniń 60-tan astam startaptarymen birge óz ıdeıalaryn Shveıtsarııanyń Lozanna qalasynda basty sahnada kórsetýge jáne aktsıonerlik kapıtalǵa 500 myń AQSh dollaryna deıin ınvestıtsııa jeńip alýǵa múmkindik alady», - dep jazdy Ásel Álimhanova Facebook-tegi paraqshasynda.
Elordada ótken Seedstars Summit CEE-ge álemniń 20 elinen 250-den astam qatysýshy keldi. Onda barlyq múddeli taraptar bir-birimen qarym-qatynas ornatyp, ózderiniń kompanııalary týraly sóz qozǵady.
Aıta keterligi, Seedstars – damýshy naryqtardaǵy ozyq startap-qaýymdastyq jáne ınvestor, Nur-Sultandy resmı túrde 20 men 22 qarasha aralyǵynda Seedstars Summit CEE 2019 ótkizý orny retinde tańdaǵan. Sammıt Nur-Sultan qalasy ákiminiń, Astana Innovations qoldaýymen ótkizildi.
