Bıologtar kúlgin tústi «dárilik» kartop túrin shyǵardy
ASTANA. QazAqparat - AQSh-tyń bıologtary men selektsıonerleri dárýmender men paıdaly zattarǵa baı, sondaı-aq kantserogensiz kartoptyń jańa surpyn shyǵardy. Bul rette osyndaı kartoptyń máıegi qalypty sary nemese aq tústi emes, kúlgin nemese qyzyl tústi, dep habarlaıdy kolorado shtaty ýnıversıtetiniń baspasóz qyzmeti.
Kolorado shtatyndaǵy ýnıversıtettiń ǵalymdary ózderi shyǵarǵan jańa kartoptyń qyzǵylt túsin antıoksıdanttardyń kóp bolýynan dep túsindiredi. Kókónistiń erekshe túske boıalýy kópjyldyq selektsııalyq jumystardyń arqasy. Osyndaı kartop S dárýmeni, folıı qyshqyly, kalıı, temir, myrysh jáne túrli fenol qosyndylarynan turady. Zertteýshiler kartoptyń quramynda kókjıdek jáne anardyń quramyndaǵydaı antıoksıdanttar bar ekenine sendiredi.
Budan basqa, kartoptyń bul surypynda pisirý nemese qýyrý kezinde kantserogenderge aınalatyn zattar joq.
