Bıologııalyq belsendi qospalardyń zııany men paıdasy týraly qaıdan bilemiz
ASTANA. KAZINFORM - Taǵamǵa bıologııalyq belsendi qospalar (BBQ) mamandandyrylǵan tamaq ónimderine jatady jáne dárilik zat bolyp eseptelmeıdi.
Astana qalasynyń Sanıtarııalyq-epıdemıologııalyq baqylaý departamenti basshysynyń orynbasary Muhamǵalı Aryspaevtyń aıtýynsha, BBQ taǵam retinde tamaq ónimderi qaýipsizdiginiń gıgıenalyq talaptaryna -Keden odaǵynyń «Tamaq ónimderiniń qaýipsizdigi týraly» jáne «Tamaq ónimderin tańbalaýǵa qatysty» tehnıkalyq reglamentterinde belgilengen talaptarǵa sáıkes kelýi tıis.
Іshki naryqta tutynýshyǵa satylýǵa usynylǵan barlyq BBQ qaýipsiz bolýy qajet.
- Halyqtyń sanıtarııalyq-epıdemıologııalyq salamattylyǵy salasyndaǵy ýákiletti organ bekitken tártippen beriletin memlekettik tirkeý týraly kýálik qujatynyń bolýy BBQ qaýipsizdigin rastaý bolyp tabylady. BBQ-lardyń memlekettik tirkeýden/qaıta tirkeýden ótkizýdi bizdiń respýblıkamyzda Densaýlyq caqtaý mınıstrliginiń Sanıtarııalyq-epıdemıologııalyq komıteti júzege asyrady. Sizdi qyzyqtyratyn BBQ-dyń tirkeýin komıtettiń saıtynan, sonymen qatar «QR ónimderin (taýarlaryn) memlekettik tirkeý týraly kýálikter tiziminde» bólimindegi biryńǵaı tizilimnen tabýǵa bolady, - deıdi maman.
Mamandandyrylǵan tamaq ónimderiniń biryńǵaı tiziliminiń málimetteri jalpyǵa qoljetimdi bolyp tabylady jáne kún saıyn jańartylǵan ınternet jelisindegi arnaıy izdeý serverinde ornalastyrylady. Sol sebepten, barlyq BBQ-lardy elge ákelý jáne ótkizý (satý) memlekettik tirkeý týraly kýálikteri nemese memlekettik tirkeýge berý týraly málimetter bolǵan kezde júzege asyrylýy kerek.
- Bıologııalyq belsendi qospalardyń zııany men paıdasy týraly árkim bilýi kerek. BBQ-larda tabıǵı nemese tabıǵı bıologııalyq belsendi zattarmen birdeı komponentter bar. Olar adamnyń kúndelikti qoldanatyn asyn baıytý jáne densaýlyqty jaqsartý úshin nemese maqsatty túrde (mysaly, salmaq joǵaltý úshin) qoldanylady. Astana qalasynda satylatyn BBQ-aınalymyn baqylaýdy qamtamasyz etý boıynsha lepartamentpen buqaralyq aqparat quraldaryn, ınternet - resýrstardy, áleýmettik jelilerdi kúndelikti baıqaý arqyly memlekettik tirkeý týraly kýáliktiń bolýy jáne EAEO-nyń mamandandyrylǵan tamaq ónimderiniń biryńǵaı tiziliminde tirkelgeni týraly monıtorıng kúndelikti júrgiziledi jáne buzýshylyq tabylǵan BBQ-ny jarnamalaıtyn jáne satatyn jarnama berýshilerge memlekettik tirkeý týraly kýáliksiz olar taratylmaýy, ıaǵnı, satylmaýy tıis ekendigi týraly usynystar beriledi. Sol sebepten Astana qalasynyń Canıtarııalyq-epıdemıologııalyq baqylaý departamenti tutynýshyny, BBQ satyp almaı turyp onyń Keden odaǵynyń saıtynda memlekettik tirkeý týraly kýálikterdiń biryńǵaı tiziliminde tirkelgeni nemese tirkelmegeni týraly tekserýdiń qajettiligin eskertedi. Memlekettik tirkeýden ótpegen BBQ-lardy satýǵa jol berilmeýi qajet, - deıdi Muhamǵalı Aryspaev.
Densaýlyq saqtaý mınıstrligi medıtsınalyq kómektiń biryńǵaı paketin qalyptastyrýdyń jańa tásilin usynǵanyn jazǵan bolatynbyz.