Bıologııalyq belsendi qospalardyń jarnamasy men sapasy qalaı baqylanady
ASTANA. KAZINFORM -Qazaqstanda bıologııalyq belsendi qospalardyń qaýipsizdigi, jarnamasy men aınalymyna baqylaý kúsheıtilip keledi. 2025-2026 jyldary júrgizilgen zertteý kezinde BBQ synamalarynyń shamamen besten biri talaptarǵa sáıkes kelmegen. Al 2026 jylǵy 1 qyrkúıekten bastap bıologııalyq belsendi qospalardy mindetti tańbalaý engiziledi. Osy saladaǵy baqylaý nátıjeleri men BBQ-ny naryqqa shyǵarý talaptary týraly QR Densaýlyq saqtaý mınıstrliginiń Sanıtarııalyq-epıdemıologııalyq baqylaý komıteti tóraǵasynyń orynbasary Nurqan Sádýaqasov aıtyp berdi.
BBQ naryqqa qalaı jiberiledi
Komıtet málimetinshe, qazirgi ýaqytta bıologııalyq belsendi qospalardyń aınalymy Eýrazııalyq ekonomıkalyq odaq zańnamasyna sáıkes retteledi.
«Tamaq ónimderiniń qaýipsizdigi týraly» Keden odaǵynyń tehnıkalyq reglamentiniń 24-babyna sáıkes BBQ mindetti túrde memlekettik tirkeýden ótýge tıis.
– Memlekettik tirkeý ǵylymı uıymdar júrgizgen saraptamalyq qorytyndylar men ǵylymı esepter negizinde júzege asyrylady. Onyń aıasynda balalar men eresekterge arnalǵan taǵamdyq jáne bıologııalyq belsendi zattardyń táýliktik tutyný mólsherine saraptama jasalady, - dedi spıker.
Tirkeýden ótkennen keıin ónim EAEO-nyń resmı ınternet-resýrsyndaǵy Memlekettik tirkeý týraly kýálikterdiń biryńǵaı tizilimine engiziledi.
– Memlekettik tirkeý týraly kýálikterdiń biryńǵaı tiziliminde ony sáıkestendirýdi, qoldaný salasyn, qoldaný jónindegi usynymdardy, qarsy kórsetilimderdi, saqtaý sharttaryn, óndirýshi týraly málimetterdi qamtamasyz etetin BBQ týraly barlyq negizgi málimetter qamtylady, - dep Nurqan Sádýaqasov.
2 myń onlaın-platformada jarnama talaptary buzylǵan
2024 jyldan bastap Densaýlyq saqtaý mınıstrligi buqaralyq aqparat quraldaryndaǵy BBQ jarnamasyn monıtorıngileý arqyly profılaktıkalyq baqylaý júrgizip keledi. Ol «Taǵamǵa bıologııalyq belsendi qospalardy jarnamalaýdy júzege asyrý qaǵıdalaryn bekitý týraly» 2024 jylǵy 27 maýsymdaǵy №36 buıryq negizinde júrgiziledi.
2025-2026 jyldary áleýmettik jelilerde 8,5 myń jarnama taratýshyǵa qatysty monıtorıng júrgizilgen.
– Memlekettik tirkelmegen BBQ satýdy júzege asyratyn 2 myń onlaın-platformada jarnama erejelerin buzý faktileri anyqtaldy. Qazaqstan Respýblıkasy Mádenıet jáne aqparat mınıstrliginiń Aqparat komıteti osy kezeńde josyqsyz jarnama taratýshylardyń 23-ten astam akkaýntty óshirdi, - dedi tóraǵa orynbasary.
BBQ-nyń 19,3 paıyzy talapqa saı kelgen joq
Nurqan Sádýaqasovtyń málimetinshe,2025-2026 jyldary BBQ-ny baqylaý maqsatynda satyp alý aıasynda 545 synama zerttelgen.
– Onyń ishinde 105 synama, ıaǵnı 19,3 paıyzy belgilengen talaptarǵa sáıkes kelmedi. Talapqa saı kelmegen jaǵdaılardyń 94,6 paıyzy tańbalaýǵa qatysty bolsa, 5,4 paıyzy mıkrobıologııalyq kórsetkishter boıynsha anyqtaldy, - dedi ol.
Sonymen qosa satylymnan alyp tastaýǵa qatysty 105 shara qabyldandy. Máselen, 72 keliden astam sáıkes kelmeıtin BBQ satylymnan alynyp tastalǵan.
1 qyrkúıekten bastap BBQ mindetti túrde tańbalanady
2026 jylǵy 1 qyrkúıekten bastap Qazaqstanda bıologııalyq belsendi qospalarǵa mindetti tańbalaý engiziledi.
Bul talap Saýda jáne ıntegratsııa mınıstriniń 2026 jylǵy 26 mamyrdaǵy №199-NQ buıryǵynda kózdelgen.
Mindetti tańbalaý 2026 jylǵy 1 qyrkúıekten keıin óndirilgen jáne taǵamǵa bıologııalyq belsendi qospa retinde qoldanystaǵy memlekettik tirkeý týraly kýáligi bar ónimderge qatysty bolady.
– Ár ónimge biregeı Data Matrix tsıfrlyq kody beriledi. Ol ónimniń óndirýshiden nemese ımporttaýshydan bastap sońǵy satyp alýshyǵa deıingi búkil jolyn baqylaýǵa múmkindik beredi, - dedi spıker.
Menshik quqyǵy berilgen nemese ónim qoımalar arasynda aýysqan saıyn kod skanerlenip, biryńǵaı tsıfrlyq derekqorǵa engiziledi. Al bólshek saýda kezinde kassada avtomatty túrde aınalymnan shyǵarylady.
Komıtettiń túsindirýinshe, tańbalaý júıesiniń negizgi maqsaty — taýar aınalymyn ashyq etý, esepke alynbaǵan ónim men «sur» ımporttyń jolyn kesý. Jınalǵan derekter taýar aınalymyndaǵy ózgeristerdi baqylaýǵa jáne salyqtan jaltarý shemalaryn anyqtaýǵa múmkindik beredi.
Alaıda Data Matrix kodynyń bolýy ónimniń sapasyna kepildik bermeıdi.
— Qazirgi ýaqytta tańbalaý taýardyń sapasyn anyqtaý quraly emes, ol eń aldymen naryqty zańdastyrýǵa baǵyttalǵan. Bolashaqta tańbalanatyn ónimniń ruqsat qujattary men sáıkestik sertıfıkattaryn tikeleı baılanystyrý úshin júıeni Tehnıkalyq retteý jáne metrologııa komıtetiniń aqparattyq júıelerimen ıntegratsııalaý josparlanyp otyr, - dedi Nurqan Sádýaqasov.
Aldaǵy ýaqytta tańbalanatyn ónimniń ruqsat berý qujattary men sáıkestik sertıfıkattaryn tikeleı baılanystyrý úshin júıeni Tehnıkalyq retteý jáne metrologııa komıtetiniń aqparattyq júıelerimen ıntegratsııalaý josparlanyp otyr.
Aıta keteıik, buǵan deıin Densaýlyq saqtaý mınıstriniń 2026 jylǵy 10 shildedegi buıryǵymen bıologııalyq belsendi qospalardy (BBQ) tańbalaýda qoldanylatyn baqylaý (sáıkestendirý) belgisi men sáıkestendirý quralynyń shekti quny belgilengeni habarlandy.
