Bıologııalyq áralýandyqty qorǵaý qoryn qurý kerek – Prezıdent

BÝRABAI. KAZINFORM – Bıologııalyq áralýandyqty qorǵaý qoryn qurý kerek. Bul týraly Ulttyq quryltaıdyń IV otyrysynda Memleket basshysy Qasym-Jomart Toqaev aıtty.

- Adamzattyń búldirgi is-áreketiniń kesirinen Kaspıı ıtbalyǵy, qyzǵylt qoqıqaz jáne basqa da erekshe jan-janýarlarǵa qater tónip tur. Biz tabıǵattyń osy bir syıyna barynsha nazar aýdaryp, ony saqtaı bilýimiz qajet. Sondyqtan Bıologııalyq áralýandyqty qorǵaý qoryn qurý kerek dep sanaımyn, - dedi Prezıdent.

Qasym-Jomart Toqaev Memleket basshysy retinde bul aýqymdy jumystyń mańyzy zor ekenin kórsetý úshin osy qoǵamdyq uıymǵa ózi jetekshilik etýge daıyn ekendigin basa aıtty.

- Buǵan qosa, biz taǵy bir qazynamyz – tazyny halyqaralyq tizimge engize alǵanymyzdy aıta ketkim keledi. Ań aýlaıtyn aıryqsha qasıetteri bar qazaqy ıttiń tuqymyn endi búkil álem biledi, - dedi Memleket basshysy.

Buǵan deıin Prezıdent kıik sanyn retteý máselesin qaıta zerdeleýdi tapsyrǵanyn jazǵan edik.