Bıoalýantúrlilikti saqtaý tujyrymdamasy ázirlenedi

ASTANA. QazAqparat – 2030 jylǵa deıingi bıoalýantúrlilikti saqtaý tujyrymdamasy ázirlenedi. Bul jaıynda Senat depýtattarynyń saýalyna Premer-Mınıstrdiń birinshi orynbasary Roman Sklıardyń jaýabynda aıtylǵan, dep habarlaıdy QazAqparat tilshisi.

«Osy jyldyń 2-toqsanynda Jahandyq ekologııalyq qordyń qoldaýymen Qazaqstan Respýblıkasynyń 2030 jylǵa deıingi bıoalýantúrlilikti saqtaý jáne turaqty paıdalaný jónindegi tujyrymdama jobasyn ázirleý josparlanǵan. Atalǵan qujatta orman sharýashylyǵyn damytý, ormandardy saqtaý jáne olardy tıimdi paıdalaný boıynsha is-sharalar qarastyrylatyn bolady», - dep atap ótedi Úkimet basshysynyń birinshi orynbasary jaýabynda.

Jalpy, Roman Slıardyń sózine qaraǵanda, orman sharýashylyǵyn qorǵaý jáne damytý jumystary Úkimettiń turaqty baqylaýynda bolady.