Bınıamın Netanıahý halyqaralyq qylmystyq sot orderine qaramastan Býdapeshtke keldi

ASTANA.KAZINFORM - Izraıl premer-mınıstri Bınıamın Netanıahý Býdapeshtke keldi, dep jazady VVS.

— Vengrııa Halyqaralyq qylmystyq sottyń múshesi jáne Netanıahýdy áskerı qylmys jasady degen aıyppen qamaýǵa alý týraly halyqaralyq sot orderin oryndaýy kerek, dep jazady Times of Israel. Alaıda, premerdi áskerı qaraýyl kútip alyp, qonaqúıge shyǵaryp saldy.

Aıta keteıik, ótken jyldyń 21 qarashasynda Halyqaralyq qylmystyq sot (HQK) palestınalyq HAMAS qozǵalysynyń áskerı qolbasshysy Muhammed ad-Deıfti qamaýǵa alýdy talap etken bolatyn. Ol sondaı-aq Izraıl premer-mınıstri Bınıamın Netanıahý men qorǵanys mınıstri Ioav Galantty tutqyndaýǵa order berdi.

Osyǵan deıin Halyqaralyq qylmystyq sot Netanıahý men Galantty qamaýǵa alýǵa order bergenin jazdyq.