Bınes memlekettik qoldaýdy paıdalana otyryp, baǵany negizsiz kótermeýi tıis - Azamat Samenov
«Prezıdent Qasym-Jomart Kemeluly Toqaev Úkimettiń keńeıtilgen otyrysy barysynda koronavırýs indeti saldarynan týyndaǵan ahýalǵa baılanysty máselelerdi qozǵap, Úkimet jumysyna baǵa berdi. Sonymen qatar Memleket basshysy shaǵyn jáne orta bınesti damytý máselelerine de toqtaldy. Árıne, bul alada qazir quldyraý oryn aldy. Óıtkeni, karantın shekteýleri shaǵyn jáne orta bıznes kásiporyndarynyń jumysyna yqpal etti. Prezıdent osynaý teris tendentsııa baıqalatyn óńirlerdi atap kórsetti. Bizde shaǵyn jáne orta bıznes negizinen Almaty men Nur-Sultan qalasynda shoǵyrlanǵan. Eger taýarlar men qyzmetter kólemine qatysty aıtar bolsaq, onda ol 42 paıyzdy quraıdy. Buǵan qosa, dál osy eki qalada koronavırýstyń kóp taraǵany baıqalyp otyr. Eger oryn alyp otyrǵan tendentsııa odan ary jalǵasa beretin bolsa, onda bul jaıt osy qalalardyń jalpy óńirlik ónimine jáne eldiń jalpy ishki ónimine áser etedi. Eldiń qalǵan óńirlerinde, tipti Shymkentte de shaǵyn jáne orta bıznes úlesi azdaý. Almaty men Nur-Sultan qalalarynan keıin ShOB kásiporyndary óndirisiniń kólemi boıynsha Atyraý, Batys Qazaqstan, Qaraǵandy jáne Almaty oblystary kele jatyr», - dedi Azamat Samenov.
Onyń atap ótýinshe, karantın shekteýleri qoldanysta bolǵan kezeńde shaǵyn jáne orta bıznes memlekettik qoldaýǵa muqtaj bolady. Úkimet otyrysy barysynda Prezıdent shaǵyn jáne orta bıznesti qoldaý úshin memleket tarapyan teńdesiz sharalar qabyldanǵanyn aıtty. Osyǵan oraı kásipkerler de halyqtyń qıyn jaǵdaıǵa tap bolǵanyn kópshiligi jumysy men tabysynan aıyrylǵanyn eskerýi tıis. Buǵan qosa, eń qajetti azyq-túlik ónimderi men dári-dármekterdiń baǵasyn negizsiz kótermeýi qajet.
