Binance urlanǵan aktıvterden kelgen shyǵynnyń 90%-yn ótedi
ASTANA. KAZINFORM – Binance krıptovalıýta bırjasy hakerlik shabýyl saldarynan urlanǵan qarajattyń 90%-yn ótedi. Bitcoin, Ethereum, Solana jáne XRP aktıvteri tolyq qamtamasyz etildi, dep habarlaıdy TASS agenttigi.
Bırja málimetinshe, qazirgi ýaqytta BTC, ETH, USDT, BNB, SOL, USDC, XRP, USD1, RLUSD jáne ZEC aktıvteri 100% kóleminde qamtamasyz etilgen.
Binance jetispeıtin tokenderdi naryqtyq jáne bırjadan tys arnalar arqyly satyp alýdy jalǵastyrady. Maqsat – ár aktıv boıynsha ótemaqy kólemin 100%-ǵa jetkizý. Kompanııa urlanǵan qarajatqa baılanysty qarjylyq shyǵyndardy ózi kóteretinin málimdedi.
Eske salaıyq, krıptobırja 29 qazanda hakerlik shabýylǵa ushyraǵanyn habarlaǵan. Keltirilgen shyǵyn 6,3 mlrd dollarǵa jetýi múmkin. Kompanııa klıentteriniń depozıtterine qaýip tónbegenin jáne olarǵa ádettegideı qol jetkizýge bolatynyn málimdedi.
Shabýyldan keıin bırja qarajat engizý jáne shyǵarý operatsııalaryn ýaqytsha toqtatqan. Olardy eki táýlik ishinde qalpyna keltirý josparlanǵan.
Blokcheın salasyndaǵy seriktestermen birlesken jumystyń nátıjesinde zardap shekken aktıvterdiń bir bóligi buǵattaldy. Qazirgi ýaqytta blokcheın jelisiniń ózinde shamamen 3 mlrd dollarlyq aktıvke qol jetkizý shektelgen.
Aıta keteıik, buǵan deıin Binance krıptobırjasy 2,5 mlrd dollardyń tsıfrlyq aktıvin buǵattaǵanyn jazdyq.
