Binance óńirlik qarjy-esep aıyrysý haby qurylady
ASTANA. KAZINFORM – Alatau City úshin Tokenization by Default tujyrymdamasy daıyndalyp jatyr. Bul týraly Úkimet otyrysynda Ulttyq bank tóraǵasy Tımýr Súleımenov aıtty.
- Alatau City úshin Tokenization by Default tujyrymdamasy daıyndalyp jatyr. Tsıfrlyq quraldar qala ınfraqurylymy men ınvestıtsııalyq jobalardy qarjylandyrýǵa paıdalanylady. Osy jyldyń sońyna deıin Iconic Tower keshenin 50 mln AQSh dollaryna deıingi somaǵa tokendeý josparlanyp otyr. Taǵy bir joba – quny 10 mln AQSh dollaryna deıingi Birlik logıstıkalyq ortalyǵy. Eki joba da KASE ınfraqurylymy arqyly iske asyrylady, - dedi ol.
Tımýr Súleımenov tsıfrlyq aktıvter naryǵyn damytýdyń kelesi baǵyty ortaq eldik naryq qurý ekenin aıtty.
- Ol jalpyulttyq rejımniń, AHQO men Alatau City múmkindikterin biriktirýi kerek. Bul ıýrısdıktsııalar birin-biri tolyqtyrýy qajet. Dál osy model aıasynda Binance óńirlik qarjy-esep aıyrysý haby pysyqtalyp jatyr. Joba qazaqstandyq zańdy tulǵa qurýdy jáne birinshi sanattaǵy tólem uıymynyń lıtsenzııasyn alýdy kózdeıdi. Hab TMD, Shyǵys Eýropa jáne Azııa elderindegi klıentterge qyzmet kórsete alady, - dedi Tımýr Súleımenov.
Aıta keteıik, Úkimet otyrysynda tsıfrlyq aktıvter salasyn damytý máselelerin talqylanyp jatyr.
