Binance krıptovalıýta bırjasy Reseıden ketedi
Binance krıptovalıýta bırjasy Reseıden ketedi, al ony CommEX kompanııasy satyp alady. QazAqparat bul týraly TASS agenttigine silteme jasap habarlaıdy.
«Qazirgi qoldanýshylardy josparly túrde birtindep basqa platformaǵa aýystyrýǵa bir jyldaı ýaqyt kerek. Reseı qoldanýshylarynyń aktıvteri qaýipsiz saqtalǵan ári qorǵalǵan», - delingen habarlamada.
Kompanııanyń aıtýynsha, Binance pen CommEX birtindep jáne uıymdasqan paıdalanýshylar mıgratsııasy aıasynda olardyń aktıvterin jańa platformaǵa aýystyrady. Derekteri tekseristen ótken jańa qoldanýshylardy ishinara CommEX platformasyna jiberip otyrady.
Sodan keıingi aılarda Binance bırja qyzmetteri men Reseıdegi basqa da baǵyttaryn jabady jáne qoldanýshylardy jańa platformaǵa aýystyrý kezinde únemi ózara árekettesip turý úshin bar kúshin salady.
«Kelisimniń qarjy derekteri qupııa bolǵanyna qaramastan, osy kelisim aıasynda Binance Reseıdegi qyzmetin tolyqtaı toqtatady», - dep atap ótti kompanııa ókilderi.
Olar kelisim aıasynda "Binance-ta bıznestegi úlesin qaıta satyp alý jáne satqannan keıin tabystyń bir bóligin alý múmkindigi bolmaıdy" dep tolyqtyrdy.
