Bın Ladenniń FBB (FBR) tizimindegi ornyn pornografııa jasaýshy ıelendi
ASTANA. 12 sáýir. QazAqparat - Kezinde «Ál-Kaıdanyń» burynǵy basshysy Osama bın Laden bastap turǵan Federaldyq barlaý bıýrosy jasaǵan eń kúshti izdestiriletin qylmyskerler tizimin qazir balalar pornografııasyn jasaýmen jáne saqtaýmen aınalysty
degen kúdiktegi amerıkandyq muǵalim Erık Djastın Tot bastap keledi, dep habarlaıdy Lenta.rý. Onyń aty tizimge 10 sáýirde engizilipti.
Kúdiktini tutqyndaýǵa kómektesetin kez kelgen aqparat berýshige FBB 100 myń dollar beredi.
FBB habarlamasynda 2008 jyly Totqa tıesili beınekamerada balalardyń qatysýymen bolǵan pornojazba áshkerelenip, sol jyly ol qolǵa túspeı, izin jasyryp ketken bolatyn. Sondaı-aq, Tot Merılendte balalar pornografııasyn jasaýmen aınalysty degen kúdikpen de izdestirilýde. Al 2008 jyly ol Vırdjınııada, Illınoısta, Indıanada, Vıskonsınde jáne Mınnesottada bolyp, 2009 jyly Arızonada turǵan.
Bın Laden 2011 jyly 2 mamyr kúni túnde Abbottabad qalasynda júrgizilgen reıd barysynda amerıkandyq áskerılerdiń qolynan qaza tapqan bolatyn.
The New York Times gazetinde jazylǵandaı, FBB eń qaýipti qylmyskerlerdiń tizimin jasaýmen 1930 jyldan beri aınalysady. Olardyń oıynsha, kúdiktiniń sýreti men derekterin jan-jaqty jarııalaý izdeý jumystaryna kómektesedi. 1950 jyldan beri vedomstvo eń kúshti izdestiriletin 10 adamnyń tizimin jasaǵan. Sodan beri osy tizimde turǵan 494 adamnyń 464-i tabylǵan kórinedi.
