Byltyrdan beri izdeýde júrgen qazaqstandyq Qyrǵyzstanda ustaldy
ASTANA. KAZINFORM – Sybaılas jemqorlyqqa qarsy is-qımyl agenttigi 2023 jyldan beri izdeýde júrgen Qazaqstan azamatyn ustady. Qazir ol Almatyda ýaqytsha ustaý ızolıatorynda qamaýda otyr.
«Azamat «Ó» buryn sot úkimimen tárkilengen úsh úı men eki páter túrindegi memlekettik múlikti urlady degen kúdikke ilindi. Alaıaqtyq áreket Almaty qalalyq ákimdigi men qalalyq Ulttyq qaýipsizdik komıteti departamentiniń laýazymdy tulǵalardyń qatysýymen baqylaýdaǵy adamdarǵa tómen baǵamen jáne saýda-sattyqsyz jyljymaıtyn múlikti satý jolymen jasaldy», - delingen habarlamada.
Antıkordyń málimetinshe, bıyl 14 maýsymda Bishkek qalasynda ustalǵan qazaqstandyq «Ó» Qyrǵyzstan Respýblıkasy ІІM qyzmetkerlerine jeńildetilgen rásimder boıynsha óz erkimen Qazaqstanǵa oralýǵa daıyn ekendigin jetkizgen.
Sol kúni Almaty qalasy prokýratýrasynyń úılestirýimen Sybaılas jemqorlyqqa qarsy qyzmet qyzmetkerleriniń súıemeldeýimen «Ó» Qyrǵyzstan Respýblıkasynyń shekarasynan ótip, Almaty qalasyna jetkizildi.
Qazir kúdiktige qatysty tergeý amaldary júrgizilip jatyr.
«Qylmystyq is júrgizý kodeksiniń 201-baby boıynsha tergeý múddesine sáıkes ózge aqparat taratylmaıdy. QR Konstıtýtsııasynyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáıkes qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin kúdikti kinásiz dep esepteledi», - deıdi agenttikten.
Ulys media portalynyń habarlaýynsha, ustalǵan azamat Qaırat Qudaıbergenniń inisi.
Eske sala keteıik, buǵan deıin Joǵarǵy sot «Dıkıı Arman» men Qaırat Qudaıbergenniń isi nege uzaqqa sozylǵanyna qatysty túsinikteme bergen bolatyn.
