Byltyr jol qurylysy tehnologııasynyń buzylýyna qatysty 4,2 myń derek anyqtaldy

- 2025 jyldyń qorytyndysy boıynsha Jol aktıvteriniń ulttyq sapa ortalyǵynyń jol qurylysy jumystaryn qamtýy 99 paıyzdy qurady. Kásiporyn 47 myńǵa jýyq materıal synamasyn ótkizdi. Onyń ishinde 32,5 paıyz nemese 15,3 myń synamany qoldanýǵa jol berilmedi. Sondaı-aq, 4,2 myńnan astam jumys tehnologııasynyń buzylýy men aqaýlar anyqtalyp, 3,5 myńy joıyldy. Ortasha jóndeý obektilerine arnalǵan vedomstvolyq saraptama aıasynda 1,7 myń oń qorytyndy berildi. Onyń ishinde respýblıkalyq jeli boıynsha - 79 joba jáne jergilikti joldar boıynsha - 1,6 myń joba, - dedi ortalyq basshysy.

Onyń aıtýynsha, dıagnostıka jol jelisin obektıvti basqarýdyń negizgi quraly sanalady. Ol jóndeýdiń basymdyqtaryn anyqtaýǵa, qaldyq resýrsty esepteýge jáne bıýdjetti negizdi bólýge múmkindik beredi. Keshendi aspaptyq tekserý júk kótergishtigi, jabynnyń aqaýy, kópirler men qubyrlardyń jaı-kúıi, tegistigi, tabandylyǵy, qozǵalys qarqyndylyǵy jáne jol belgilerin ózektendirý kórsetkishteri boıynsha júrgiziledi.

- Alynǵan kórsetkishter joldardyń jaı-kúıin vızýaldy baǵalaý negizinde emes, olardyń tehnıkalyq jaı-kúıi men qaýipsizdik deńgeıin obektıvti baǵalaýdy qamtamasyz etetin dál ólshenetin derekter negizinde anyqtaýǵa múmkindik beredi. Dıagnostıkamen tolyq qamtylmaı, jalpyǵa ortaq paıdalanylatyn joldar jelisin tsıfrlandyrý múmkin emes. Qazirgi ýaqytta respýblıkalyq jelini qamtý - 90, al jergilikti jeli nebári 16 paıyzdy quraıdy, - dedi Bolatbek Aıtbaev.

Aıta keteıik, Úkimet aldaǵy 3 jylda 32 myń shaqyrym óńir joldarynyń normatıvtik deńgeıin 95 paıyzǵa deıin kóterýdi josparlap otyr.

Sonymen qatar bıyl birqatar óńirlik joldyń qurylysy bastalmaq.