Byltyr Ulttyq ulan 18 myńǵa jýyq quqyq buzýshyny ustady

ASTANA. KAZINFORM – QR ІІM Ulttyq ulanynyń áskerı qyzmetshileri 2025 jyly 18 myńǵa jýyq quqyq buzýshyny ustady. Olardyń 700-den astamy qylmys belgileri boıynsha ishki ister organdaryna jetkizildi.

Patrýldik-bekettik qyzmet aıasynda Ulttyq ulan bólimsheleri 3 308 mindet oryndap, respýblıka aýmaǵynda ótken 985 buqaralyq is-sharada qoǵamdyq qaýipsizdikti qamtamasyz etti.

Ótken jyly 308 sýyq jáne atys qarýy tárkilenip, esirtki zattaryn zańsyz aınalymnan alý boıynsha 153 derek tirkeldi.

- Sonymen qatar Qylmystyq-atqarý júıesiniń 39 mekemesi men bir óndiristik obektini kúzetý qamtamasyz etildi. 10 temirjol jáne 25 avtojol baǵyty boıynsha aıdaýyldaý jumystary júzege asyryldy.

QAJ mekemeleriniń aýmaǵyna tyıym salynǵan zattardy jetkizýdiń 132 faktisi anyqtalyp, zańsyz ótkizýdiń túrli áreketteriniń joly kesildi. Baqylaý-ótkizý pýnktteri arqyly tyıym salynǵan zattardy alyp ótýdiń 45 áreketine jáne 25 faktisine tosqaýyl qoıyldy.

Tyıym salynǵan zattardy jetkizýge qatysy bar 100-ge jýyq azamat ustaldy. Zańsyz aınalymnan 1 441 uıaly telefon, 689 SIM-karta, 724 pyshaqtaý-kesý zaty jáne bir sýyq qarý tárkilendi, - delingen aqparatta.

Sondaı-aq shamamen 2,7 keli esirtki zaty men 70 lıtrge jýyq alkogol bar suıyqtyqtar alyndy. Budan bólek, 423 797 teńge jáne 300 AQSh dollary kólemindegi aqshalaı qarajat tárkilendi.

Ulttyq ulan áskerı qyzmetshileri 75 myńǵa jýyq sottalǵan jáne qamaýda otyrǵan adamdy tasymaldap, 2 myńnan astam sot protsesiniń qaýipsizdigin qamtamasyz etti. Erekshe baqylaýdaǵy adamdardy áýe kemelerimen tasymaldaý úsh ret uıymdastyryldy.

Málimetterge sáıkes, atalǵan sharalar qoǵamdyq qaýipsizdikti qamtamasyz etýge jáne quqyq buzýshylyqtardyń aldyn alýǵa baǵyttalǵan.

Aıta keteıik, Ulttyq ulanda alǵash ret «aǵa sarbazdar» ınstıtýty engizildi.