Byltyr Úkimetke sýmen baılanysty 70 myńdaı shaǵym túsken

ASTANA. KAZINFORM – Premer-mınıstr Oljas Bektenov Úkimet otyrysynda oblys ákimdikteriniń sýmen jabdyqtaýshy uıymdarmen jumysyn synady.

– Óńirlerden aýyzsý sapasy men jıi berilmeı qalýyna, sýmen jabdyqtaý jelileriniń tozǵanyna, jóndeý jumystary men iske qosý merzimderiniń sozylyp ketýine baılanysty shaǵymdar túsip jatyr. Jaqynda ǵana Oral jáne Temirtaý qalalarynyń turǵyndary sýdyń sapasyna qatysty másele kóterdi. Jalpy byltyr sýmen jabdyqtaý máselesi boıynsha memlekettik organdarǵa 70 myńǵa jýyq aryz-shaǵym tústi. Bul óńir ákimdikteri ne merdigerlermen, ne qyzmet kórsetýshi uıymdarmen qajetti jumys júrgizbeı otyrǵanyn kórsetedi, - dedi ol.

Úkimet basshysyjańadan qosylǵan sýmen jabdyqtaý nemese sý burý nysandaryn tıisti dárejede kútip ustaý sharalary qabyldanbaıtynyn, aýyzsý sapasynyń normalar saqtalmaıtynyn atap ótti.

– Osyǵan baılanysty ákimdikter árbir shaǵym boıynsha tekserý júrgizip, mindetin adal atqarmaǵan uıymdarǵa qatań shara qoldaný kerek, - dedi Oljas Bektenov. 

Sondaı-aq búgingi Úkimet otyrysynda Sý resýrstary jáne ırrıgatsııa mınıstri Nurjan Nurjigitov Syrdarııadan keletin sýdyń azaıyp jatqanyn «obektıvti shyndyq» dep sıpattady.