Byltyr turmystaǵy zorlyq-zombylyq saldarynan 69 áıel qaıtys boldy

ASTANA. KAZINFORM – Byltyr turmystaǵy zorlyq-zombylyqqa saldarynan 69 áıel kóz jumdy. Bul týraly Qazaqstan Respýblıkasyndaǵy Bala quqyqtary jónindegi ýákil Dınara Zákıeva aıtty.

Aıta keteıik, búgin Parlament Májilisinde «Keıbir zańnamalyq aktilerge áıelderdiń quqyqtary men balalardyń qaýipsizdigin qamtamasyz etý máseleleri boıynsha ózgerister men tolyqtyrýlar engizý týraly» zań jobasy tanystyryldy.

Dınara Zákıeva qazir qoǵamdaǵy ózekti máseleniń biri otbasyndaǵy zorlyq-zombylyq jáne balalarǵa qarsy jasalǵan qylmystar ekenin aıtty.

«Byltyr turmystyq zorlyq-zombylyqqa qatysty 99 myń ótinish tústi. Balalarǵa qarsy 2452 qylmys jasaldy, turmystaǵy zorlyq-zombylyq saldarynan 69 áıel men 7 bala qaza tapty», - dedi Bala quqyqtary jónindegi ýákil.

Budan buryn habarlanǵandaı, Úkimet balaǵa zorlyq-zombylyq kórsetkenderge jazany kúsheıtý jobasyn maquldady.