Byltyr Túrkistan oblysynda 2 myńǵa jýyq jup ajyrasqan

TÚRKІSTAN. KAZINFORM – Túrkistan oblysynda ótken jyly demografııalyq jaǵdaı salystyrmaly túrde turaqty bolǵanymen, týý deńgeıiniń tómendeýi, tabıǵı ósimniń qysqarýy jáne ajyrasýlar sanynyń artýy sııaqty úrdister alańdaýshylyq týdyrady. 

Strategııalyq josparlaý jáne reformalar agenttigi Ulttyq statıstıka bıýrosynyń Túrkistan oblysy boıynsha departamentiniń málimetinshe, 2025 jylǵy 1 jeltoqsandaǵy derek boıynsha oblys halqy 2 148 168 adam bolǵan. Onyń ishinde qala halqynyń úlesi – 545 012 adam bolsa (25,4%), aýyl halqynyń sany – 1 603 156 (74,6%). 2024 jylǵy sáıkes kezeńmen salystyrǵanda halyq sany 6 136 adamǵa azaıǵan.

– Týý kórsetkishterine kelsek, 2025 jylǵy qańtar-qarasha aılarynda 43 327 sábı dúnıege kelgen. Bul 2024 jyldyń sáıkes kezeńimen salystyrǵanda 12,3%-ǵa tómen (49 414 adam). Degenmen, oblys respýblıka boıynsha týý deńgeıi joǵary óńirlerdiń qatarynda bolyp otyr, jalpy týýdaǵy úlesi 14,3%. Jańa týǵandar arasynda ul balalardyń úlesi basym, ıaǵnı 22 247 ul (51,3%) jáne 21 080 qyz (48,7%) dúnıe esigin ashqan, - dedi departament basshysynyń orynbasary Nurqoja Bekjanov.

Neke jáne ajyrasý dınamıkasy da áleýmettik úrdisterdegi ózgeristerdi baıqatady.

– 2025 jylǵy qańtar-qarashada 10 112 neke tirkeldi, bul ótken jylmen salystyrǵanda 9%-ǵa nemese 994 nekege azaıǵan. Ajyrasýlar sany, kerisinshe, ósip, 1 971-ge jetti, ıaǵnı 12,8%-ǵa artqan, - dedi spıker.

Al ólim-jitim kórsetkishteri boıynsha 2025 jylǵy qańtar-qarashada 9 316 adam qaıtys bolǵan, bul ótken jyldyń tıisti kezeńimen salystyrǵanda 1%-ǵa artyq. Týý deńgeıiniń tómendeýi men ólim-jitimniń azdap ósýi nátıjesinde tabıǵı ósim kórsetkishi de qysqarǵan. Bul rette, tabıǵı ósim 34 011 adamǵa jetip, 2024 jylmen salystyrǵanda 6 183 adamǵa nemese 15,4%-ǵa kemigen.

Budan buryn Qazaqstanda erli-zaıyptylardyń ajyrasýyna turmystyq zorlyq-zombylyq, opasyzdyq jáne táýeldilikter negizgi sebep bolyp otyrǵanyn jazǵan edik.