02:48, 17 Aqpan 2025 | GMT +5
Byltyr Tájikstanǵa 30 myńnan astam qazaqstandyq saıahattap barǵan
DÝShANBE. KAZINFORM – Ótken jyly Tájikstanǵa saıahattap barǵan sheteldik týrısterdiń sany 16,7%-ǵa ósti, dep habarlaıdy Kazinform agenttiginiń tilshisi.

Tájikstannyń Týrızmdi damytý komıtetiniń málimetinshe, byltyr atalǵan el 1,4 mln týrısti qabyldaǵan.
Saıahatshylardyń basym bóligi – ózbekstandyqtar. ıAǵnı, 897,3 myń adam Tájikstannyń kórikti jerlerin aralaǵan. Sonymen qatar, byltyr 334,5 myń reseılik týrıst demalysyn osy elde ótkizgen.
Tájikstanǵa saparlaǵan Qazaqstan azamattary da az emes. 2024 jyly 34,6 myń adam atalǵan memleketke saıahattap barǵan. Bul 2023 jylǵy kórsetkishpen salystyrǵanda 9,8%-ǵa kóp.
Eske salaıyq, ótken jyldyń qorytyndysy boıynsha Qazaqstan Tájikstannyń negizgi saýda seriktesteriniń úshtigine endi.