Byltyr sút óndirý kólemi qanshalyqty artty

ASTANA. KAZINFORM — Sút óndirýde aýyl sharýashylyǵy qurylymdarynyń úlesi 39 paıyzǵa jetti. Bul týraly QR Aýyl sharýashylyǵy mınıstrliginen málim boldy.

- Sút óndirýdiń turaqty damýyn qamtamasyz etý jáne halyqty sapaly sút ónimderimen qamtý máselesiniń mańyzdylyǵyn eskere otyryp, memleket aýyldyq jerlerde sút bıznesin damytýǵa erekshe nazar aýdaryp otyr. Belgili bolǵandaı, 2023 jyly Soltústik Qazaqstan oblysynyń tájirıbesin taratý baǵdarlamasy aıasynda bólingen 100 mlrd teńge kólemindegi qarajat esebinen 69 sút-taýar fermasy (STF) qarjylandyryldy, onyń ishinde jyldyq qýaty 268 myń tonnadan astam bolatyn 39 STF iske qosyldy, - delingen mınıstrliktiń Kazinform agenttigine bergen jaýabynda.

Vedomstvo aqparatyna qaraǵanda, 2024 jyldyń 12 aıynyń qorytyndysy boıynsha respýblıkadaǵy barlyq sharýashylyq sanattarynda sút óndirý kólemi 2023 jyldyń sáıkes kezeńimen salystyrǵanda 3571,9 myń tonnaǵa (104,4%) deıin ósti, onyń ishinde aýyl sharýashylyǵy qurylymdarynda – 1392,7 myń tonnaǵa (108,1%).

- Sút óndirýde aýyl sharýashylyǵy qurylymdarynyń úlesi – 39%, al jeke úı sharýashylyqtarynda – 61%, - dep atalyp ótken Aýyl sharýashylyǵy mınıstrligi aqparatynda.

Budan buryn habarlanǵandaı, Soltústik Qazaqstan oblysynyń sút-taýar fermalaryn salý tájirıbesi tutas respýblıkaǵa taralyp jatyr.

Aqmola oblysynda 7 taýarly sút fermasy salynyp jatyr.