Byltyr jemqorlyq jaıly habarlaǵan qazaqstandyqtar 35,5 mln teńge syıaqy aldy

ASTANA. KAZINFORM – Ótken jyly Antıkordyń Call-ortalyǵyna 26 myńnan astam ótinish túsken. Bul týraly Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov málim etti.

— Sybaılas jemqorlyqqa qarsy qyzmet máseleleri boıynsha 5,8 myńnan keńes berildi. Sonymen qatar sybaılas jemqorlyq quqyq buzýshylyq belgileri bar 862 habarlama tústi. Call-ortalyq arqyly kelip túsken habarlamalardyń nátıjeleri boıynsha ashylǵan qylmystyq isterdiń sany artyp keledi. Sybaılas jemqorlyq quqyq buzýshylyq faktisi týraly habarlaǵan nemese sybaılas jemqorlyqqa qarsy is-qımylǵa ózge de jolmen járdem kórsetetin adamdarǵa, eger kináli adamǵa qatysty sot qaýlysy nemese aıyptaý úkimi zańdy kúshine engen jaǵdaıda, birjolǵy aqshalaı syıaqy tólenetinin eske salamyz, — dedi Danııar Bıgaıdarov vedomstvoda ótken baspasóz máslıhatynda. 

Resmı ókildiń málimdeýinshe, syıaqy qaǵıdalarmen reglamenttelgen jáne sybaılas jemqorlyqqa nóldik tózimdilikti qalyptastyrý jáne azamattyq qoǵamdy yntalandyrýshy tetik. 

— Syıaqy 10%-ǵa deıin, biraq 4 myń aılyq eseptik kórsetkishten aspaıdy. ıAǵnı, sybaılas jemqorlyq quqyq buzýshylyqtar týraly senimdi aqparat bergeni úshin 15,7 mln teńgege deıin syıaqy kózdelgen. 2024 jyly Sybaılas jemqorlyqqa qarsy qyzmet jalpy somasy 35,5 mln teńgege 104 azamatty kótermeledi, onyń ishinde 38 memlekettik qyzmetshi gramotalarmen marapattaldy, — deıdi ol. 

Eske sala keteıik, jaqynda Antıkor WhatsApp chat-botyn iske qosqanyn jazǵan bolatynbyz. Onda jemqorlyq týraly habarlasańyz 15,7 mln teńge syıaqy alýǵa múmkindik bar ekeni aıtylǵan.