Byltyr ózbekstandyq dıqandar 9 mln tonnaǵa jýyq astyq jınady

TAShKENT. KAZINFORM — Byltyr Ózbekstandyq dıqandar 8,8 mln tonnadan astam astyq jınady, dep habarlaıdy Kazinform agenttiginiń menshikti tilshisi.

бидай, астық
Фото: Өзбекстанның Ауыл шаруашылығы министрлігі

Bul 2023 jylmen salystyrǵanda 4,8%-ǵa kóp.

Statıstıka agenttiginiń málimetinshe, astyq jınaý kórsetkishi boıynsha Ferǵana oblysy (998,5 myń tonna) kósh bastap tur. Odan keıingi oryndarǵa Samarqan (903,3 myń tonna) men Qashqadarııa (893,5 myń tonna) óńirleri jaıǵasty.

Bul rette Syrdarııa (578,4 myń tonna), Naýaı (266,2 myń tonna) oblystary men Qaraqalpaqstannyń (345,5 myń tonna) dıqandary eń az ónim alǵan.

Eske salaıyq, byltyr kóktemgi sý tasqynyna qaramastan, Qazaqstanda 26,7 mln tonna astyq jınaldy. Bul — keıingi 10 jyldaǵy rekordtyq kórsetkish.

2024 jyldyń qazanynda Úkimet otyrysynda baıandama jasaǵan QR Saýda jáne ıntegratsııa vıtse-mınıstri Qaırat Tórebaev elimizdiń bıdaı eksporttaıtyn naryǵy tarylyp bara jatqanyn aıtyp edi.

Сейчас читают