Byltyr Ózbekstanda jeńgetaılyqpen aınalysqan 2 myńnan astam adam jazalandy

TAShKENT. KAZINFORM – 2025 jyly Ózbekstanda jeńgetaılyqpen aınalysqan jáne prıton uıymdastyrǵan 2 myńnan astam adam qylmystyq jaýapqa tartyldy, dep habarlaıdy Kazinform agenttiginiń Tashkenttegi menshikti tilshisi.

Joǵarǵy sottyń baspasóz qyzmetinen málim etkendeı, byltyr Qylmystyq kodekstiń 131-baby (Jeńgetaılyq nemese prıtondardy uıymdastyrý) boıynsha 2 201 adamǵa qatysty úkim shyqty. Olarǵa aıyppul salý, túzetý jáne mindetti qoǵamdyq jumystarǵa tartý, bas bostandyǵyn shekteý jáne bas bostandyǵynan aıyrý jazalary taǵaıyndaldy. 

Qylmystyń kóbi Ferǵana, Tashkent, Ándijan, Samarqand jáne Namangan oblystarynda tirkelgen.

Eske salaıyq, byltyr Ózbekstanda jemqorlyqqa barǵan 252 ákimdik qyzmetkeri qylmystyq jaýapqa tartyldy.

Munymen birge, 2025 jyly Ózbekstanda 5 myńnan astam sybaılas jemqorlyq qylmysy tirkeldi.

Sonymen qatar 2026 jyldyń alǵashqy eki aıynda Ózbekstannyń quqyq qorǵaý organdary 8 zerthanany anyqtap, 375 keli esirtki tárkiledi.