Byltyr Ózbekstanda jemqorlyqqa barǵan 252 ákimdik qyzmetkeri qylmystyq jaýapqa tartyldy
TAShKENT. KAZINFORM — 2025 jyly Ózbekstanda jemqorlyq jasaǵan ákim kómekshilerine qatysty 153 qylmystyq is qaralyp, 252 adam jazalandy, dep habarlaıdy Kazinform agenttiginiń Tashkenttegi menshikti tilshisi.
Sybaılas jemqorlyqqa qarsy is-qımyl agenttiginiń málimetinshe, byltyr 37 sheneýnik temir torǵa qamalsa, taǵy 38-iniń bas bostandyǵy shekteldi. 160 kómekshi túzetý jumystaryna tartylyp, 12 adamǵa aıyppul salyndy. Qalǵan 5 azamatqa qatysty ózge jaza túrleri qoldanyldy.
Sottalǵandardyń basym kópshiligi kedeılik deńgeıin azaıtý jáne kásipkerlikti damytý baǵyttary boıynsha qyzmet etken. 2024 jyly jemqorlyq qylmysy úshin 309 ákim kómekshisi jazalanǵan edi.
Munymen birge, 2025 jyly Ózbekstanda 5 myńnan astam sybaılas jemqorlyq qylmysy tirkeldi.
Buǵan deıin habarlaǵanymyzdaı, Ózbekstan úkimeti jemqorlyqpen kúres úshin memlekettik satyp alý júıesine jasandy ıntellektti engizýdi josparlap otyr.
