Byltyr Ózbekstanda jasalǵan asa aýyr qylmystar sany 24 paıyzǵa ósti

TAShKENT. KAZINFORM – Byltyr Ózbekstanda 132 298 qylmys tirkelgen, bul 2023 jylmen salystyrǵanda 27,1%-ǵa kóp, dep habarlaıdy Kazinform agenttiginiń menshikti tilshisi.

Eldiń Statıstıka agenttiginen málim etkendeı, bir jylda jasalǵan asa aýyr qylmystardyń sany kúrt artty. Atap aıtqanda, byltyr mundaı sıpattaǵy 5 357 qylmys tirkeldi, bul 2023 jylǵy derektermen salystyrǵanda 24,1%-ǵa kóp.

Olardyń basym bóligi kópshiligi Tashkent qalasynda (1 753) jasalǵan. Odan keıin Tashkent oblysy (563), Samarqan (489) jáne Ferǵana (411) óńirleri tur.

Eske salaıyq, taıaýda Ózbekstanda zańsyz baılyqqa kenelgenderge jaza engizý usynyldy.

Buǵan deıin habarlaǵanymyzdaı, byltyr Ózbekstanda jol apatynan 2 myńnan astam adam qaza tapty. Sondaı-aq, Ózbekstanda jol erejesin jıi buzatyndar endi kólik basqarý quqyǵynan aıyrylady.

Munymen birge, 2024 jyly mas kúıinde kólik basqarǵan 31,3 myń ózbekstandyq ákimshilik jaýapqa tartyldy.